من شِعر الدكتور جورج نقولا الحاج
دَمارْ
تْنقلي ع رْموشْ عينيْ... تمخطريْ
دَعستِكْ ريحانْ... مَلمَسْها طريْ
معقولْ انساكِ... وقلبي هالحزينْ
كلما خفقْ خفقة... ع بالي بتخطريْ...
معقولْ انساكِ... وقلبي هالحزينْ
ولواحْ صَدريْ مِنْ جَفاكِ باريينْ
بخافْ السما مِن جَورْ قلبكْ والقسا
تِمْحي الوفا عالأرض...ويْجفْ الحنينْ...
بخافْ السما من جَورْ قلبكْ والقسا
تلغي الفصولْ...وينمحا صُبحْ ومسا
والوردْ يدبلْ...والعطرْ مِنكْ يغارْ
والحبْ بين الناس يِنسَى...وينتسا...
الوردْ يدبلْ...والعطرْ منك يغارْ
وما يعودْ لا في ليلْ عِنا ولا نهارْ
وتتخرسَنْ الأوتارْ...ويموتْ الوَحي
ويخجلْ الفلّ ومِنْ عطورو يسْتحي
والشِعرْ يرحَلْ...والقوافي تنمحي
وكلما قسيتي الحبْ قلبو تدبحي
وتتكابري وأخرتِكْ بدوني دَمارْ
تواضعي يا حلوتي...وتْسامحي
ما في دِني حلوي... بلا شعّارْ.
جورج نقولا الحاج
منصورية المتن...لبنان. تشرين الأول. 2023
تْنقلي ع رْموشْ عينيْ... تمخطريْ
دَعستِكْ ريحانْ... مَلمَسْها طريْ
معقولْ انساكِ... وقلبي هالحزينْ
كلما خفقْ خفقة... ع بالي بتخطريْ...
معقولْ انساكِ... وقلبي هالحزينْ
ولواحْ صَدريْ مِنْ جَفاكِ باريينْ
بخافْ السما مِن جَورْ قلبكْ والقسا
تِمْحي الوفا عالأرض...ويْجفْ الحنينْ...
بخافْ السما من جَورْ قلبكْ والقسا
تلغي الفصولْ...وينمحا صُبحْ ومسا
والوردْ يدبلْ...والعطرْ مِنكْ يغارْ
والحبْ بين الناس يِنسَى...وينتسا...
الوردْ يدبلْ...والعطرْ منك يغارْ
وما يعودْ لا في ليلْ عِنا ولا نهارْ
وتتخرسَنْ الأوتارْ...ويموتْ الوَحي
ويخجلْ الفلّ ومِنْ عطورو يسْتحي
والشِعرْ يرحَلْ...والقوافي تنمحي
وكلما قسيتي الحبْ قلبو تدبحي
وتتكابري وأخرتِكْ بدوني دَمارْ
تواضعي يا حلوتي...وتْسامحي
ما في دِني حلوي... بلا شعّارْ.
جورج نقولا الحاج
منصورية المتن...لبنان. تشرين الأول. 2023